उत्तम थापामगर कौडागीत ‘सानान्नी”मा नायिका आरुषी मगरको कौडा नृत्य

फरक शैलीका गीत गाउन रुचाउने ,सिपालु युवा गायक तथा संगीतकार उत्तम थापा मगरले यसपाली गण्डकी प्रदेशको लोकप्रिय भाका कौडागीतमा आफ्नो क्रियसन प्रस्तुत गरेका हुन् । उत्तम थापा मगरले ”सानान्नी” बोलको कौडा गीतकाे रमाइलो भिडियाे सार्वजनिक गरेका छन । उत्तमकै शब्द संगीतमा रहेकाे उक्त गीतलाइ दुर्गा गुरुङले एरेन्ज गरेका छन । उत्तमलाइ फेमेल भोकलमा गायिका कुशु गुरुङले साथ दिएकी छिन ।
अभिज बज्राचार्यको क्यामेरा सुप्रिम पराजुलीको सम्पादन रहेको ”सानान्नी”को म्युजिक भिडियोलाई चित्र मगरले निर्देशन गरेका हुन
नायिका आरुषी मगर र उत्तम थापामगरको अभिनय रहेको भिडियोमा बिशेषगरी कौडा नृत्यलाइ देखाउन खोजिएको छ
२०६५ सालदेखि नेपाली सांगीतिक क्षेत्रमा सक्रिय भएका संगीतकर्मी उत्तमले यसअघि आधुनिक तथा सुगम शैलीमा आधारित चार वटा एकल गीति एल्बम र दर्शक तथा स्रोतामाझ ल्याइसकेका छन् । उनकाे मै काले, विदेशीएकाे, आखा भरि, मैच्याङकाे गालैमा, जाेर मादल र मगर भाषाकाे गीत ‘साली’ चर्चित रहेका छन ।
ललितकला क्याम्पसमा संगीतको औपचारिक अध्ययन प्रारम्भ गरेका संगीतकर्मी मगर भारतको इलाहावाद संगीत विद्यालयबाट छैटौं वर्षको अध्ययन पूरा गरिसकेका छन् । वर्ष २०६७ र ६८ मा उनले त्यहाँबाट स्वर्ण पदक पनि प्राप्त गरेका थिए ।