किन विवादमा परिन् माधुरी दीक्षित ?

१. संञ्जय दत्तसँगको प्रेमः सञ्जय दत्त र माधुरी दीक्षित नब्बेको दशकमा सवैभन्दा हट जोडीको रुपमा चर्चित थिए । ‘साजन’ र ‘खलनायक’ जस्ता चलचित्रमा उनीहरुको जोडी निकै नै मन पराइएको थियो । साथै उनीहरुको ‘अफेयर’ को चर्चा पनि उत्तिकै थियो । चलचित्रको सेटबाट नै उनीहरुको प्रेम गाढा हुँदै गयो तर माधुरीको परिवारलाई उनीहरुको प्रेम स्वीकार्य भएन र उनीहरुको प्रेमसम्बन्ध छुट्यो ।

२. अनिल कपूरसँगको प्रेम सम्बन्धः सञ्जय दत्तसँग सम्बन्ध तोडिने बित्तिकै उनको अनिल कपूरसँगको प्रेम सम्बन्धले निकै चर्चा पायो । अनिल–माधुरीको जोडी पनि निकै नै रुचाइएको थियो ।

३. विनोद खन्नासँग ‘किस’ सीनः जब माधुरी बलिउडमा नयाँ थिइन् तब उनले चलचित्र ‘दयावान’ मा विनोद खन्नाजस्ता सिनीयर अभिनेतासँग गरेको ‘कीस’ सीनले निकै चर्चा पाएको थियो । अहिले जब माधुरी उक्त कुराको याद गर्छिन् त उनलाई निकै नै पश्चाताप हुने बताउँछिन् ।

४. श्रीदेवीसँग विवादः नब्बेको दशकमा बलिउडमा श्रीदेवीको एकलौटी राज चलिरहेको थियो । त्यही समय माधुरीको ‘तेजाब’ र ‘राम–लखन’ जस्ता चलचित्रले जबरजस्त सफलताले श्रीदेवीको सिंहासन हल्लाइदियो र यसपछि यी दुई अभिनेत्रीको बीचमा शीतयुद्ध चल्न शुरु भयो ।

५. जुही चावलासँगको विवादः नब्बेको दशकमा जुही चावला र माधुरी दीक्षित एकै साथ बलिउड छिरेका थिए र सक्रिय पनि थिए । तर यी दुइ एकअर्कासँग प्रतिस्पर्धामा थिए । उनीहरुले एक अर्काको बारेमा कहिल्यै खुलेर केही भनेनन् तर सञ्चार माध्यममा यी दुईको विवाद बारम्बार चर्चित बनिरह्यो ।

६. म्यागी चाउचाउको विज्ञापनः तपाईलाई थाहा नै होला म्यागी चाउचाउलाई लिएर निकै विवाद भएको थियो । जसको कारण म्यागीमा विज्ञापन गरेकी माधुरीलाई सूचना दिइएको थियो । उत्तराखण्डको ‘एफडीए’ ले असुरक्षित चाउचाउको पुष्टि गर्नको लागि उनलाई आग्रह गरेको थियो ।