कार्तिक २१ काठमाण्डौ । प्रियसी म्युजिक प्रा.लिको आयोजनामा हुने चौथो एपिक नेपाल म्युजिक अवार्ड– २०७९ यस बर्ष पनि निकै धुमधामको साथमा सम्पन्न हुने भएको छ ।
सुर्यविनायक नगरपालिका र मध्यपुर थिमी नगरपालिका वडा नम्बर ४ को सहकार्यमा हुने उक्त कार्यक्रमका बारेमा भक्तपुर जिल्लाको मध्यपुर थिमी नगरपालिकामा पर्ने शंखधर पार्कमा सम्पन्न पत्रकार सम्मेलनबाट उक्त चौथो एपिक नेपाल म्युजिक अवार्डको आवेदन फारम खुल्ला गरिएको जानकारी आयोजक संस्थाले गराएको छ ।
‘नेपाली कला र श्रष्ठाको सम्मान, नेपाली संस्कृति संरक्षण र प्रबर्धन हाम्रो अभियान’ भन्ने मुल नाराको साथ हुन लागेको चौथो एपिक नेपाल म्युजिक अवार्ड–२०७९ मा गित संगीतका सम्पूर्ण विधाहरुलाई समेटिने र अवार्ड मुख्य गरि नेपाली लोक गीत संगीतको क्षेत्रमा क्रियाशील एवम नव प्रतिभाका सर्वोकृष्ट रचनाहरुको साथै आधुनिक, पप, लोकपप, पर्ब बिशेष, काँठे र देउडा गीतहरुलाई अवार्ड प्रदान गरिने अवार्डकि महासचिब तथा म्युजिक भिडियो निर्देशक बबिता श्रेष्ठले जानकारी गराएकी छिन् ।
त्यस्तै अवार्डको टप–५ नोमिनेसन पौष २ गते घोषणा गरिने तथा अवार्ड कार्यक्रम माघ ७ गते भक्तपुरमा नै सम्पन्न गरिने समेत आयोजक संस्थाले जानकारी गराएको छ ।
