डीपीको शब्द र शंकर थापा ‘ स्माइल’को संगीतमा ‘ बग्न थाले म’ [भिडियो ]

पार्श्व गायनमा सम्भावना भएका मीठो स्वरका धनी गायक देबेन्द्र बरालले आफ्नो दोस्रो नयाँ म्युजिक भिडियो ‘ बग्न थाले म ‘ सार्वजनिक गरेका छन। रोमान्टिक भर्सनको म्युजिक भिडियोमा दर्शकको सकारात्मक प्रतिक्रिया प्राप्त भैरहेको छ।
‘ बग्न थाले म ‘ बोलको यस गीतमा स्वर चर्चित गायिका अन्जु पन्त र देबेन्द्र बरालको रहेको छ। गीतको शब्द डीपी खनालले लेखेका हुन भने गीतमा संगीत शंकर थापा ‘ स्माइल’को रहेको छ। गीतमा बिश्व अधिकारीको एरेन्ज्मेन्ट छ। पवन सुस्लिङले सम्पादन र छायांकन गरेको भिडियोमा रोहित बिश्वकर्मा र नम्रता श्रेष्ठको अभिनय रहेको छ। शिशिर खातीको कोरियोगार्फी र निर्देशनमा भिडियो निर्माण भएको हो।
https://www.youtube.com/watch?v=9H2AOvgg4v0