अनामनगरमा फिल्म मेकअप स्टुडियो युनिसेक्स ट्रेनिङ सेन्टर सञ्चालनमा आएको छ । तीस दशक बढी समयदेखि सिने क्षेत्रमा मेकअप आर्टिष्टका रुपमा काम गर्दै आइरहनुभएका मेकअप आर्टिष्टद्वय सन्तु तमाङ र श्याम बरालको संयुक्त प्रयासमा अनामनगरको बीगमार्टसँगै सञ्चालनमा आएको हो ।
फिल्म मेकअप स्टुडियोको उद्घाटन नायिका कारिश्मा मानन्धर र अभिनेता सुनिल थापाको प्रमुख आतिथ्यमा बिहीबार भएको थियो । उद्घाटन कार्यक्रममा कलाकार सुभाष गजुरेल, हाँस्य कलाकार उत्तम के.सी., नायिका पूजा शर्मा, नायक आकाश श्रेष्ठ, नेपाल चलचित्र कलाकार संघका अध्यक्ष रविन्द्र खडका, चलचित्र प्राविधिक संघका अध्यक्ष पुष्कर लामा, मेकअप आर्टिष्ट अशोक रोक्का, अग्रज पत्रकार सानुकाजी श्रेष्ठ, रंगपत्रकार गीता अधिकारी, चर्चित ट्याटु आर्टिष्ट सुमिना श्रेष्ठलगायतका ब्यक्तित्वहरूको उपस्थिति रहेको थियो ।
शैलुनमा उपलब्ध हरेक सेवा सुविधामा एक हप्तासम्म विशेष छुट दिने र आफ्नो ग्राहकको इच्छा, चाहनालाई मध्यनजर राख्दै हाइजेनिक सेवा दिने र स्वास्थ्य मापदण्डको पालना गरी सेवा प्रदान गर्ने जानकारी सञ्चालक मध्येका श्याम बरालले जानकारी दिनुभयो ।
भविष्यमा अझै सर्वसुलभ तरिकाले अरु सेवाको विस्तार गर्दै जाने र विभिन्न किसिमका मेकअप ट्रेनिङ दिदै दक्ष जनशक्ती उत्पादन गरी ब्यरोजगार युवालाई आत्मनिर्भर बनाउने बिचार रहेको बरालले बताउनुभयो ।
