काठमाडौं । लोक तथा दोहोरी गीत संगीतका प्यासी मनहरुका लागि गायक, सर्जक एवं सञ्चारकर्मी शरण हुमागाईंको “रुँदै हिंड्छु सुनकोशी तिरमा” गीत सार्बजनिक भएको छ । वास्तविकता नबुझि लिईने निणर्यले जीवनलाई आर्यघाटसम्म पुराउन सक्छ भन्ने कथा प्रस्तुत भएको उक्त गीत अशोककुमार सापकोटाले लेखेका हुन भने लय जीतबहादुर खड्काको रहेको छ ।
विष्णु तामाङको संगीत संयोजनमा तयार भएको उक्त गीतमा शरण हुमागाईं र करुणा राईको आवाज रहेको छ । शंकरा डिजिटल स्टुडियोमा रेकर्ड भएको यस गीतलाई सागर पुनले रेकर्ड गरेका हुन भने मिक्सिङ कुमार सानु पुनले गरेका हुन् । शरण हुमागाई र करुणा राईको मूख्य भूमिका रहेको यो गीतमा गुरुदेव लामा र जीतबहादुर खड्काको पनि अभिनय देख्न सकिन्छ ।
मायामा पागल भएको कथा कारुणिक ढंगबाट प्रस्तुत गरिएको यो गीतमा एक अर्कालाई नबुझ्दाको परिणाम मृत्युसम्म पुगेको देखाईएको छ । ललितपुरको युएन पार्कदेखि धरानसम्मको दृश्य यो गीतमा देख्न सकिन्छ । कमानसिं याम्फू राईंको छायांकन तथा विक्रम गौतमको श्रृंगार रहेको यो गीत शरण हुमागाईं अफिसियल युट्यूव च्यालन मार्फत सार्वजनिक गरिएको छ ।
यो गीतले दिन प्रति दिन क्रमशः दर्शक श्रोताको माया पाउने क्रम बढदो रहेको छ । यो गीतका गायक एंव मोडल हुमागाईं लामो समयदेखि गीत संगीतमा सक्रिय रहदैं सञ्चारकर्म पनि आवद्ध रहेका छन् । यस्तै गायिका करुणा राई पनि यो क्षेत्रको लोकप्रिय कलाकार मानिनुहुन्छ । महानायक राजेश हमालसँग म्यूजिक भिडियोमा अभिनय मात्र होइन तुलसी फिल्ममा नायिकाको रुपमा काम गरेकी करुणाले विभिन्न भाषा, धर्म संस्कृति अनि सबै भेगका दर्जनौ गीत गाईसक्नु भएको छ ।
भिडियो हेर्न तल क्लिक गर्नु होला ।
