राजु बोहरा–काठमाडौँ । मकवानपुर जिल्लामा जन्मिएका गायक इशान बसन्तले अशंख्य प्रबासीहरुलाई लक्षित गर्दै यतिबेला एक निकै मन छुने गीत बजारमा ल्याएका छन् । उक्त गीत “आफु त हजुर भैयो परदेशी” बोलको रहेको छ । पछिल्लो समयमा स्वदेशमा भएको व्यरोजगारीको समस्याको कारण धेरै नेपालीहरु बिदेशिन बाध्य बनिरहेका छन् । तर त्यहाँ पुगेर पनि अर्कैको खटनमा रहेर सोचे जस्तो काम नपाउने र आफ्नै गाउँ घर तथा परिवारको यादले सताइ रहंदा पनि उनीहरुको दैनिकी निकै कष्टकर बनिरहेको हुन्छ ।
यस्तै पेरिफेरीमा तयार भएको यस गीतमा उनै गायक इशान बसन्तको कर्णप्रिय स्वर रहेको छ । नेपाली गित संगीतको क्षेत्रमा एक स्थापित नाम बन्ने प्रयासमा लागेका इशानको स्वरले सजिएको यस गीतलाई शब्द संगीत बिकाश चौधरीले भरेका छन् । निकट भबिस्यमा नै यस गीतको म्युजिक भिडियो पनि सार्बजनिक हुने जानकारी प्राप्त भएको यस गीतलाई लिरिकल भिडियोको रुपमा अहिले संगीत सरोबरको युट्युब च्यानल मार्फत सार्बजनिक गरिएको छ । गायक इशान बसन्तले सबै माझ यस गीतलाई शेयर गरेर साथ दिनुहुन अनुरोध गरेका छन् ।
लिरिकल भिडियो हेर्न तल क्लिक गर्नु होला ।
