राजु बोहरा–काठमाडौँ । नेपालीहरुको महान चाड बिजय दशमी तथा दिपावलीको शुभकामना सहित पछिल्लो पटक दशैँ बिशेष गीतहरु बजारमा प्रसस्त आउन थालिसकेका छन् । यसरी दशैँमा आउने गीतहरु धेरै जसो पिंडा र बेदनाले भरिएको हुन्छ, तर यी यस्ता पर्वहरु दुखमा मात्र होइन सारा पिर भुलेर हर्स उल्लासको साथमा पनि मनाउन सक्नु पर्छ भन्ने उदेस्यका साथ कमला लम्सालको प्रस्तुतिमा ‘रानी बन’ बोलको रोमान्चक गीत पनि बजारमा आएको छ ।
सिज्यान म्युजिकको प्रस्तुती रहेको उक्त गीतमा गायक चन्द्र शर्मा र गायिका कला लम्सालको निकै कर्णप्रिय स्वर रहेको छ । स्मरण रहोस गायक चन्द्र शर्मा राष्ट्रिय लोक तथा दोहोरी गीत प्रतिष्ठानका निबर्तमान अध्यक्ष समेत हुन् । यस गीतमा राष्ट्रिय लोक तथा दोहोरी गीत प्रतिष्ठान नेपालका वर्तमान केन्द्रीय महासचिव सुवास के.सी को मौलिक शब्द सृजना रहेको छ ।
कुशल सर्जक बिनोद बाजुरालीद्वारा लय तथा संगीत संयोजन भएको यस गीतको म्युजिक भिडियोलाई सिज्यान म्युजिकको युट्युब च्यानल मार्फत सार्वजनिक गरिएको हो । मौसम हिमालीको निर्देशनमा बनेको यस गीतको भिडियोलाई छायांकन दुर्गा पौडेलको गरेका हुन्सा भने सम्पादन नबिन घर्ती मगरले गरेका छन् । भिडियोमा निक शर्मा र दिलु सोनार सँगै गायक चन्द्र शर्मा र गायिका कला लम्सालको समेत धुमधाम नृत्य सहितको अभिनय देख्न सकिन्छ ।
भिडियो हेर्न तल क्लिक गर्नु होला ।
