बलिउड अभिनेत्री प्रियंका चोपडा र उनका पति निक जोनस इभेन्ट र अन्य कार्यक्रममा सँगै देखिन्छन् । यी दुईले बिहे गरेको एक वर्षभन्दा धेरै भइसकेको छ ।
निक र प्रियंकाले कैयन् सार्वजनिक कार्यक्रममा चुम्बन साटासाट गर्ने गरेका छन् । सामाजिक सञ्जालमा यी दुईको प्रेम झल्किरहेको हुन्छ । यही कारणले सामाजिक सञ्जालमा दुवैको तस्वीर फ्यानमाझ भाइरल हुने गर्छ ।
अमेरिकाको लस एन्जल्समा निक र प्रियंका गोल्डेन ग्लोब अवार्डस् समारोहमा देखिए । समारोहमा पुग्दा प्रियंकाले गुलाबी रंगको ड्रेस पहिरिएकी थिइन् ।
यतिबेला एक भिडियो सार्वजनिक भएको छ । जुन भिडियोमा प्रियंका र निकले चुम्बन गर्छन् । त्यसपछि निकको ओठमा लागेको लिपिस्टिक प्रियंकाले पुछिदिन्छिन् ।
यसबाट झल्किन्छ कि, प्रियंका र निक एकअर्कालाई कति माया गर्छन् ।
यसअघि पनि प्रियंका र निक रोमान्टिक मुडमा देखिएका थिए । नयाँ वर्ष मनाउन एक कार्यक्रममा पुगेका निक र प्रियंका स्टेज चढेर किस गर्दै नयाँ वर्ष मनाएका थिए ।
प्रियंका र निकले सन् २०१८ को डिसेम्बरमा बिहे गरेका थिए । बिहेको एक वर्ष पुगेको अवसरमा यी दुईलाई सेलिब्रेटीले बधाई दिएका थिए । यी दुईले बिहेपछिको जीवन खुशीका साथ रमाइरहेका छन् ।
प्रियंका बलिउडकी चर्चित अभिनेत्री हुन् भने निक अमेरिकन गायक र अभिनेता हुन् ।
