काठमाण्डौ । काठमाण्डौ उपत्यका भित्र अत्यन्त रुचाइएको म:म, (च्वास्स झोल म:म) यो म:म को ब्राण्डलाई थप स्थापित गर्ने उदेस्य संगै अशंख्य श्रोता तथा दर्शकहरुलाई सांगीतिक आनन्द प्रदान गर्न “पिपलुको छायाँ” बोलको गीतलाई भर्खरै सार्वजनिक गरिएको छ । यी र यस्तै व्यावसाहिक समुहले केहि समय अगाडी मात्रै काठमाण्डौको शाखुमा अवस्थित एक कुटी कटेजको प्रचार-प्रसार संगै सम्पूर्णलाई सांगीतिक आनन्द प्रदान गर्न “रातो भाले खाउँ” बोलको गीत ल्याएको थियो । उक्त गीतको अपार सफलतापछी एक तिरले दुई सिकार मार्न यस गीतलाई सार्वजनिक गरिएको छ ।
गीतमा रचना रिमाल, दिनेश श्रेष्ठ र गोकुल प्रसाद ढकालको सुमधुर स्वर सुन्न सकिन्छ । दिनेश श्रेष्ठद्वारा लय तथा शब्द भरिएको यस गीतको म्युजिक भिडियोमा बिना राउत र कुमार सुनेलको आकर्षक अभिनय देख्न सकिन्छ । भिडियोलाई गीतको कथाले माग गरेअनुरुप नै च्वास्स झोल म : म पसल अगाडी छायांकन गरिएको छ ।
सुनिल बि कद्वारा निर्देशित यस गीतको म्युजिक भिडियोलाई कोरियोग्राफर सियोन श्रेष्ठ, छायांकन बुद्ध थापा र सम्पादन प्रविन भट्टले गरेका छन् । भिडियोलाई कुमार सुनेल युट्युब च्यानल मार्फत सार्वजनिक गरिएको छ ।
भिडियो हेर्न यहाँ क्लिक गर्नु होला ।
