काठमाण्डौ । लोक दोहोरी गायक तथा सर्जक बद्रि प्रसाद सिटौलाको पछिल्लो लोक दोहोरी गीत “दुई दिनको जिन्दगी” हालै सार्वजनिक भएको छ । उनले यस भन्दा पहिले पनि थुप्रै गीत संगीतहरु बजारमा ल्याइसकेका छन् । बिशेष गरेर रोमान्चक धारका गीतहरुमा आफ्नो पहिचान बनाएका बद्रीले पछिल्लो समय भने मर्मस्पर्सी गीत बजारमा ल्याइरहेका छन् । उनले जसरी रोमान्चक धारका गीतहरुमा श्रोता तथा दर्शकहरुको मायाँ पाए, मर्मस्पर्सी गीतमा पनि उत्तिकै मायाँ प्राप्त गरिरहेका छन् ।
गायक तथा सर्जक बद्रीको यस भन्दा पहिले बजारमा आएको गीत सुसाइट नोट, हो । यस लगत्तै बजारमा ल्याइएको गीत “दुई दिनको जिन्दगी’ मा बद्रि प्रसाद सिटौला संगै पार्वती कार्कीको पनि सुमधुर स्वर सुन्न सकिन्छ । गीतलाई लय गायक स्वयम् ले नया तयार पारेका हुन् भने शब्द राजकुमार खनालले लेखेका हुन् ।
गीतमा बाँचुन्जेल तेरो मेरो गर्नेहरुका लागि सकारात्मक सन्देश प्रबाह गर्न खोजिएको छ । उमेश कार्की यु के को निर्देशनमा तयार भएको यस गीतको म्युजिक भिडियोमा गोपी खनाल सुभद्रा लामिछाने र अर्जुन थापाको जीवन्त अभिनय देख्न सकिन्छ । बद्रि लोक माला युट्युब च्यानल मार्फत सार्वजनिक गरिएको यस गीतको म्युजिक भिडियोलाई छायांकन मरुभूमि नारायण र सम्पादन रोशन धितालले गरेका छन् ।
भिडियो हेर्न तल क्लिक गर्नु होला ।
