काठमाडौ ः ‘कर्णालीको पानी सरर’ बोलको गीत अडियो– भिडियो सार्वजनिक गरेर श्रोता र दर्शकको मन जितिरहेका गायक नविन संगीत। प्रवासमा व्यस्त जीवन बिताइरहेका नविनले केही समय अगाडि मात्र कर्णालीको पानी सलल बोलको भिडियो सार्वजनिक गरेका थिए । प्रवासमा बसेर सृजनामा लाग्नु अत्यन्तै गाह्रो हुदाहुदै पनि नविनले आफुभित्रको जुनुनलाई त्याग्न नसकेको बताए । दैलेखको भौरवी गाविस २ मा जन्मिएका उनको रुचि गायन तथा संगीत र शब्द सिर्जनामामा रहेको थियो । उनै नविन संगीत सगँ सहकर्मि साथी बविता बस्नेतले गरेको संक्षित कुराकानी ।
गीत–संगीतमा कसरी प्रवेश गर्नु भयो ?
मेरो गीत संगीतमा लाग्ने रहर चै जब म बुझ्न र हिड्न थाले त्यो बेला बाटै हो। रेडियो अनि क्यासेटहरूमा गीत बज्थ्यो, म सोच्थे कि कसरी यो गीत बन्छ भनेर । बिस्तारै म ठुलो भए र मैले आफैले रेडियो किने त्यसपछिको पहिलो मेरो गीत संगीतमा रुचि अति नै बढाउने चाहि त्यहि रेडियो नै हो । म अगामि दिनमा दर्शक स्रोता हरुको माग बमोजिम नै गीत ल्याउनेछु ।
तपाईको खास बिधा के हो ? संगीत, गायन कि गीत लेखन ?
मेरो खास बिधा भनेको केही छैन । म कता हो कता ? चर्चित हैन । यो नै बिधा मेरो भन्न मिल्दैन । किनकी म भनेको गीत संगीतमा केही नै गरेको छैन । मैले १०० मा ९५५ अझै सिक्नु छ । त्यसैले यो हो भन्न मा सक्दिन । तर सानै बाटको गीत संगीतको साधनामा नै रहेर आफनो कलाकारिताको यात्रालाई अगाडि बढाउने सोचमा रहेको छु ।
गीत संगीतको अहिलेको अवस्था कस्तो छ ?
गीत संगीतको अहिलेको अवस्था धेरै नाजुक छ । सबैले गीत संगीत नै गरिरहेका हुन्छन् । मेरो बिचारमा गीत संगीतमा प्रसस्त लाभ सोच्नु, देख्नु गलत हो । गीत संगीत भनेको एउटा भाग्य पनि हो । जुन आम दर्शकहरूले मनपराईदिनु भो भने राम्रो पनि हुन्छ ।
गायनमा पनि गर्नु हुन्छ कतिको सजिलो महशुस गर्नुभएको छ ?
मैले नै शब्द रचना र संगीत पनि मैले नै गरेको हुदाँ मैले रहरको कारणले होला निकै सजिलो महसुस गर्ने गरेको छु । आजको दिन सम्म मेरो प्रतिभा लाई सबैले मन पराउनुभएको छ ।
क्षेत्रमा भविष्य छैन भन्छन नी ?
कुनैपनि काममा भविष्य छ छैन भन्नुभन्दा पनि त्यस काम प्रति आफु कति सम्पित भइएको छ । यस विषयमा बुझनु जरुरी रहेको छ ।
तपाइँ अब आउने र आउदै गरेका नब कलाकारहरुलाई के संदेश दिनु हुन्छ ?
अर्काको लह लहैमा लाग्नु हुदैन सबै कुरा सिकेर आउदा राम्रो हुन्छ आफुलाई जे गर्दा राम्रो हुन्छ त्यो गर्दा राम्रो हुञ्छ सबैको साथ सहयोग भयो भने अगडी बढ्न सकिन्छ ।
भविष्यमा यस गायन क्षेत्रमा कसरी अगाडि बढ्ने योजना छ ?
आगामी दिनमा पनि नेपाली लोक गीतको विकाश एव्म विस्तारका लागी आफना सर्वाेकृष्ट रचनाहरु आम दर्शक माझँमा ल्याएर । नेपाली लोक गीतको क्षेत्रमा केही गर्ने विचार छ ।
नविन जी तपाईको निकै ब्यस्त समयका बाबजुत पनि हामीलाई आफनो महत्वपुर्ण समय दिनु भयो त्यसका लागी धन्यवाद ।
बविना जी तपाईले पनि , मलाई आफनो मनमा लागेका कुराहरु तपाईको लोकप्रिय अनलाइन मार्फत भलाकुसारी गर्ने समय दिनुभएको मा हार्दिक नमन ब्यक्त गर्दछु ।
भिडियो पनि हेर्नुहोस् ः
