Wednesday, 26th February 2020
26 February 2020

समीर आचार्य र सुरेखा क्षेत्रीको “रेल गाडी” सार्बजनिक(भिडियो सहित)

काठमाडौँ : लोकप्रिय गायक समीर आचार्य र गायिका सुरेखा क्षेत्रीको नयाँ गित “रेल गाडी” को म्युजिक भिडियो सार्बजनिक भएको छ । पछिल्लो समय दर्जनौ चर्चित गीतहरुमा सुमधुर आवाज भरेर नेपाली सांगीतिक आकाशमा लोकप्रिय बन्न सफल गायक समिर आचार्य देश विदेशमा हुने विभिन्न मेला महोत्सब देखि स्टेज कार्यक्रमहरुमा समेत ब्यस्त बन्दै आएका छन् । नेपाली गित संगीतका पारखीहरुको लागि नयाँ नयाँ सांगीतिक कोसेली पस्कदै आएका गायक आचार्यको “रेल गाडि” नामक गीतको म्युजिक भिडियो भर्खरै मात्र सार्बजनिक भएको हो । समीर आचार्य र सुरेखा क्षेत्रीको यो दोस्रो सहकार्यको गीत हो।

सन्तोष सुनारको शब्द तथा संगीत रहेको गीतको भिडियोलाई छायाँकार अर्जुन तिवारीले छायांकन गरेका छन् भने निर्देशक दीपक आचार्यले निर्देशन गरेका हुन् । सार्बजनिक भिडियोमा नायक तथा मोडल नाजीर हुसेन र प्रीयना आचार्यलाइ फिचर्ड गरिएको छ । अष्ट्रेलीयामा हुने नेपाली इभेन्ट र नेपाली गीत संगीतको लागी प्रबर्धन गर्दै आएको मायालु इन्टरटेनमेन्टको प्रस्तुतीमा “रेल गाडी” को भिडियो आएको छ ।

एक दशक देखि अष्ट्रेलियामा रहेर सांगीतिक क्षेत्रमा सक्रिय रहदै आएका गायक समिर आचार्य हाल नेपालमा ब्यस्त छन् । ‘दुनियाँ वेग्लै छ र हैन भन्देउ न माया’ ‘पिच राेड’, ‘लभ लेटर’ ‘घाममा सुकाइदेउ’, ‘उमेर अन्तर’ ‘ठुम्का’ जस्ता दर्जनाैं हिट गीत गाएर विदेशबाटै नेपाली सांगीतिक दुनियाँमा परिचय बनाइरहेका समिर आचार्य अहिले चल्तीका गायकका रुपमा परिचित छन् । भिडियो हेर्नुहोस :

Leave a Reply

Your email address will not be published. Required fields are marked *