Thursday, 28th May 2020
28 May 2020

नाट्य महोत्सव अन्तर्गत शनिबार ‘दयालु रुख’ लाइभ स्ट्रिमिङ हुदै

‘क्वारेन्टाइन अभियान नाट्य महोत्सव’ को नवौं दिन शनिबार नाटक ‘दयालु रुख’ फेसबुक लाइभ मार्फत देखाइने भएको छ । नाटक साँझ ५ बजे थिएटर मलको फेसबुक पेज www.fb.com/theatremall बाट लाइभ स्ट्रिमिङ हुनेछ ।

कथाघेराको प्रस्तुतिमा बनेको नाटकमा आकांक्षा कार्कीको परिकल्पना तथा निर्देशन रहेको छ । यो नाटक अमेरिकी लेखक शेल सिल्भरस्टेनको बालकथा ‘द गिभिंग ट्री’ मा आधारित रहेको छ । विश्व प्रसिद्ध उक्त कथा धेरै भाषाहरुमा पनि अनुवादित भैसकेको कथा हो । नाटकमा इंगि होपो कोईच सुनुवार, सुम्निना साम्पाङ्ग, रोशनी स्यान्ग्बो, अर्चना पन्थी, प्रयास बान्तवा राइ, सलमान खान गुरुङ, आलोक थामी र आयान खड्काको अभिनय रहेको छ ।

थिएटर मल – कीर्तिपुर रंगमंच र थिएटर सेन्टर फर चिल्ड्रेन (टिसीसी नेपाल) ले मार्च २७ (चैत्र १४) विश्व रङ्गमञ्च दिवसको दिन देखि ‘क्वारेन्टाइन अभियान नाट्य महोत्सव २०७६’ शुरु गरेको हो ।

Leave a Reply

Your email address will not be published. Required fields are marked *