हास्य सिरियल ‘हर्के हवल्दार’ मा फेरि कलाकार किशोर भण्डारी ‘डिट्ठा साब’ र रेश्मा तिमल्सिना ‘बुनुमैचा’ देखिने भएका छन् । लामो समयपछि दुबै यो सिरियलमा देखिन लागेका हुन् । टिमसँग मनमुटाभ भएका कारण उनीहरुले ११ वर्ष अगाडि ‘हर्के हवल्दार’ छोडेका थिए ।
७७ भागपछि बाहिरिएका किशोर र रेश्मा ५२१ भागमा आएर फर्किएका हुन् । बिष्णु सापकोटा, सुरेन्द्र केसी, विनोद परियार, सुशीला निरौला, शिवहरि बैरागी, इन्द्र दोङ ‘खम्बे’, शान्ति बस्नेत, सरु दाहाल, विन्दा दुलाल, राजेन्द्र गिरी, सागर गिरी लगायत कलाकार देखिँदै आएको सिरियल इन्द्र दोङ लामाले निर्देशन गर्दै आएका छन् । सिरियल कान्तिपुर टेलिभिजनाबाट हरेक आइतबार प्रसारण हुँदै आएको छ
