राम नवमीको अवसर पारेर चैत १३ गतेदेखि प्रदर्शनमा आउने तयारीमा रहेको फिल्म ‘हामी तीन भाइ’ यतिबेला प्रचारप्रसारमा व्यस्त छ। निर्माण टिमले फिल्मको प्रवर्द्धनलाई तीव्र बनाउँदै लैजाँदा कलाकारहरू समेत विभिन्न कार्यक्रम र मिडियामा सक्रिय देखिएका छन्। टिजर र ट्रेलर सार्वजनिक गरिसकेको टिमले अब नयाँ गीतमार्फत दर्शकको ध्यान तान्ने प्रयास गरेको छ।
यसै क्रममा शुक्रबार फिल्मको नयाँ गीत ‘झम्के फुली’ सार्वजनिक गरिएको छ। युवायुवतीबीचको प्रेम र आकर्षणलाई केन्द्रमा राखिएको गीतमा साप शक्ति र अस्मिता अधिकारी को स्वर रहेको छ। गीतको संगीत स्वयं साप शक्तिले तयार पारेका हुन् भने शब्द सुवलमणि सापकोटा को रहेको छ। संगीत संयोजन महाराज थापा ले गरेका छन्। गीतको भिडियोमा फिल्मका मुख्य कलाकारहरू फलित राई, जाहन्वी बस्नेत, कुशल विष्ट र आश्मा गिरी लाई रोमान्टिक अवतारमा प्रस्तुत गरिएको छ, जसले युवा पुस्तालाई लक्षित गरेको संकेत दिन्छ।
फिल्मलाई मधुसुदन भट्टराई ले निर्देशन गरेका हुन्। यसमा विनोद न्यौपाने, लक्ष्मी बर्देवा, राजाराम पौडेल, रविन्द्र झा, बिष्णु सापकोटा, विकास चापागाईं, सुष्मा निरौला, यादव देवकोटा, अन्जु हमाल, तारा शर्मा र पवन केसी लगायत कलाकारहरूको अभिनय देख्न सकिनेछ। फिल्मका निर्माता त्रिरत्न श्रेष्ठ र मनोज श्रेष्ठ हुन् भने प्रस्तुतकर्ता साजित महत र कार्यकारी निर्माता विक्रम तामाङ रहेका छन्। सह-निर्मातामा भक्तलाल श्रेष्ठ, प्रतिमा थापा पोखरेल र दुर्गालक्ष्मी पाण्डे रहेका छन्।
फिल्ममा शिवम् अधिकारी को लेखन, शिव ढकाल को छायांकन र बनिष शाह को सम्पादन रहेको छ। नृत्य निर्देशन कमल राई ले गरेका छन् भने द्वन्द्व निर्देशन देव महर्जन को रहेको छ। संगीत पक्षमा साप शक्ति र बाबुल गिरी को काम सुन्न पाइनेछ। गीत ‘झम्के फुली’ सार्वजनिक भएसँगै फिल्मप्रति दर्शकको उत्सुकता अझ बढ्ने अपेक्षा गरिएको छ।
