मुम्बइ। बलिउड अभिनेता सुशान्त सिंह राजपुतको आत्महत्याको केसमा मुम्बइ पुलिसले अनुसन्धान गरिरहेको छ । अनुसन्धानका क्रममा पुलिसले उनको घरमा काम गर्ने कामदारहरुको पनि बयान लिएको छ । पुलिसलाई दिएको बयानमा उनको घरका स्टाफले सुशान्तले आत्महत्या गर्नुभन्दा तीन दिन अघि नै आफूहरुको सबै पारिश्रमिक दिएको बताएका छन् । सुशान्तले आर्थिक कारणले आफूले भविष्यमा उनीहरुलाई सहयोग गर्न नसक्ने पनि बताएका थिए ।
रिपोर्टका अनुसार सुशान्तलाई उनकी पूर्व म्यानेजर दिशा सलियनको सहयोगबाट १४ करोडको एक वेब सिरिजको कन्ट्रयाक्ट प्राप्त हुनेवाला थियो । तर, दिशाले सुशान्तले भन्दा ६ दिनअघि ८ जूनमा आत्महत्या गरेकी थिइन् । सुशान्त र दिशाको बीचमा मार्चमा २ पटक वेब सिरिज प्रोजेक्टका विषयमा कुरा भएको थियो । दिशाको मृत्युले सुशान्त डिप्रेसनको गम्भीर अवस्थामा पुगेका थिए ।
एक पुलिस अधिकारीका अनुसार जाँचमा दिशा र सुशान्तबीच कुनै प्रोजेक्टका विषयमा ह्वाट्सएपमा कुरा भएको पाइएको छ । मिड डेको रिपोर्ट अनुसार ुशान्तका हालका म्यानेजरले सुशान्तलाई सान्त्वना दिएको बयान दिएका छन् । उनका अनुसार सुशान्त आर्थिक समस्याले ग्रस्त थिए र उनीसँग अहिले कुनै काम थिएन । पछिल्लो समय उनले कैयौं प्रोजेक्टहरु गुमाउका थिए ।
