पशुपतिसँग प्रार्थना ( गजल)

किरण अन्जान
हटोस् कष्ट सारा यहीँ कामना छ
कठिन मार्गको आज जो सामना छ ।

कठोर जिन्दगीमा जिएको छ मान्छे
मुटुमा भरेको अथाह बेदना छ ।

कहरमा रुझेको भयो जिन्दगानी
बनेको व्यवस्था यहाँ सासना छ ।

सुतेको यो सरकार कहाँ सुन्छ पीडा
दबेका उदरको जहाँ याचना छ ।

फुलेका बगैचा गयो छोडी माली
सुकेका ती पातमा कहाँ वासना छ ।

गलुन् दुष्ट सारा कुभावना भरेका
हे पशुपति महादेव यहीँ प्रार्थना छ ।