काठमाडौँ । गायक दीपक चौलागाईले मन परेको मान्छे हौ तिमी बोलको गीतबाट अवार्ड हात पारेका छन् । हालै थाइल्याण्डमा सम्पन्न छैठौँ सगरमाथा म्यूजिक अवार्डबाट उनले पप आधुनिक यूगल गायन बिधाबाट अवार्ड हात पार्न सफल भएका हुन् । गायक दीपक चौलागाई र गायिका अन्जु पन्तको स्वरमा रहेको सार्वजनिक गीत गत महिना मात्रै रिलिज गरिएकोमा गीतले लोकप्रियता मात्रै कमाएन दर्शक स्रोताको मन मुटुमा बस्दै अवार्ड समेत जित्न सफल भएकोमा गायक चौलागाईले खुशी प्रकट गरेका छन् ।
हाल मलेसिया भ्रमणका क्रममा रहेका भौतिक शास्त्रका लेक्चर समेत रहेका गायक चौलागाईले यसअघि सिंगल मिंगल बोलको गीतबाट हिमालयन इन्टरनेशनल अवार्ड हात पारिसकेका छन् । गायक चौलागाईका तिम्रो मनको तरेली, जब तिम्रो, सागर भन्दा निश्चल माया , सिंगल मिंगल लगायत करिब दर्जन गीत बजारमा आइसकेका छन् । उनका आकाश साक्षी छ, तेह्र पर्सेन्ट भ्याट, लगायतका आधा दर्जन गीतहरु रेकडिगंको तयारीका रहेका छन् ।
