किएभ । युक्रेनका राष्ट्रपति भोलोदीमिर झेलन्स्कीले आफ्ना शहरमाथि आक्रमण रोकिएको देखिने आशा व्यक्त गर्नुभएको छ । उहाँले यो आशा संयुक्त अरब इमिरेट्समा अमेरिकी र रुसी प्रतिनिधिहरूबीच भएको वार्ता र समझदारी अनुसार लागू हुने विश्वासमा आधारित रहेको बताउनुभयो । राष्ट्रपति झेलन्स्कीले उक्त कदमले युद्धको क्रममा तनाव घटाउने र वास्तविक प्रगति ल्याउने दिशामा मद्दत पु¥याउने बताउनुभएको छ ।
उक्त आशा सार्वजनिक गर्दै झेलन्स्कीले नागरिक सुरक्षा र मानव जीवनको महत्वलाई जोड दिनुभयो । उहाँले यस प्रकारको समझदारीले युद्धको हिंसा र विनाश कम गर्ने, साथै सामान्य जनताको जीवनमा सहजता ल्याउने अपेक्षा व्यक्त गर्नुभयो ।
यसअघि अमेरिकी राष्ट्रपति डोनाल्ड ट्रम्पले पनि युक्रेनको राजधानी किएभ र अन्य शहरहरूमा आक्रमण रोक्नका लागि अनुरोध र सुझाव दिनुभएको थिए । उहाँका अनुसार यो कदमले मानवीय कठिनाइ कम गर्ने उद्देश्य राखेको थियो । युक्रेनको यो पहलले अन्तर्राष्ट्रिय स्तरमा पनि सकारात्मक सङ्केत दिएको छ, जसले आगामी कूटनीतिक वार्ता र तनाव घटाउने प्रयासमा महत्त्वपूर्ण भूमिका खेल्ने देखिन्छ ।
यो घटनाक्रमले युक्रेन र विश्व समुदायबीच युद्धको समाधान खोज्ने प्रक्रिया अझ गहिरो र संवेदनशील भएको सङ्केत दिन्छ । विशेषज्ञहरूले यस्ता कदमहरूले शहरी क्षेत्रको सुरक्षा, जनजीवन र युद्धको मानविय असर कम गर्न सहयोग पु¥याउने सम्भावना राख्ने भनेका छन् । एपी
