नायक पल शाह र मोडल अनिता गिरी एकसाथ देखिएको नयाँ म्युजिक भिडियो सार्वजनिक भएको छ। सुनील दवाडीको प्रस्तुतिमा तयार गरिएको ‘मर्छु हजुरको’ बोलको गीतमा ध्रुव बीके र मनिषा सुनारको स्वर रहेको छ।
ज्ञानेन्द्र राइको शब्द तथा संगीत रहेको यस गीतको भिडियो विक्रम चौहानले निर्देशन गरेका हुन्। भिडियोमा मिलन विश्वकर्माको सम्पादन र प्रकाश खड्काको छायांकन रहेको छ।
गीतको भिडियोमा पल शाह र अनिता गिरीको रोमान्टिक केमेस्ट्री आकर्षक देखिएको छ भने प्रेमिल भाव, सुन्दर दृश्य संयोजन र भावनात्मक प्रस्तुतिले भिडियोले दर्शकको ध्यान खिच्ने अपेक्षा गरिएको छ।
