राजु बोहरा–काठमाडौँ । नेपाली लोक दोहोरी गीत संगीत भित्र आफ्नै कला संस्कृति र मौलिकताको जगेर्ना गर्न हर कोणबाट लागि परेका गायक तथा सर्जक रमेश श्रेष्ठको लय शब्दमा फेरी अर्को घत लाग्दो गीत सार्बजनिक भएको छ । उक्त गीत सुजिता आचार्यको प्रस्तुतिमा “तस्बिर हेरर” बोलको रहेको छ । बाध्यता र विवसताको कारण परदेशिनु परेका अशंख्य नेपालीहरुको यथार्थता लाई चित्रण गरिएको यस गीतमा सरोज लामिछाने र सन्ध्या श्रेष्ठको सुमधुर स्वर सुन्न सकिन्छ ।
गीतको भाव जस्तै भिडियो बाट पनि अशंख्य परदेशीहरुको यथार्थतालाई छर्लंग पार्ने कोसिस गरिएको छ । भिडियोमा भिडियोमा नवराज गौतम, सन्ध्या श्रेष्ठ, लमिना घिसिंग र शरद श्रेष्ठको मुटुछुने अभिनय देख्न सकिन्छ । भिडियोलाई निर्देशन पनि सर्जक स्वयम् रमेश श्रेष्ठले गरेका छन् । त्यसैले पनि उनि सर्जक गायक संगै निर्देशकको भूमिकामा नेपाली कलाकारिता क्षेत्रमा परिचित छन् । “तस्बिर हेरेर” बोलको गीतको म्युजिक भिडियोलाई छायांकन सागर गौतमले गरेका हुन् भने सम्पादन रामकुमार मगरले गरेका छन् ।
भिडियो हेर्न तल क्लिक गर्नु होला ।
