मुम्बई – शिवसेना नेताले दिएको धम्कीका बावजूद बलिउड कलाकार कंगना रनावत वाई प्लस सुरक्षामा आज मुम्बई फर्किँदै छिन् ।
यता बीएमसी (बृहन्मुम्बई महानगरपालिका) ले कंगना रनावतको अफिस तोडफोड गरेको छ । बीएमसीको एक टीमले कंगनाको घरमा बुलडोजर चलाएको छ ।
कंगनाको मुम्बईस्थित घरमा भने प्रहरीले सुरक्षा दिइरहेको छ । त्यहाँ बम निरोधक दस्ता पनि पठाइएको छ ।
कंगनाको घरमा सीआरपीएफको एक टीम पनि सुरक्षाका लागि पुगेको छ ।
बीएमसीले कंगनाको अफिसको ग्राउण्ड फ्लोरको शौचालय अवैध तरिकाले बनाएको दाबी गरेको छ । महानगरका अनुसार कंगनाले अवैध तरिकाले किचन निर्माण गरेको पनि दाबी गरेको छ ।
यसका अलावा कंगनाको अफिसको पेटी, क्याबिन, पूजाघर सहित अन्य कैयन् संरचना पनि गैरकानूनी रुपमा बनाइएको भन्दै डोजर चलाइएको हो ।
कंगनाले यसलाई भने प्रजातन्त्रको मृत्यु भएको बताएकी छिन् । उनले महानगरको यो कदमको विरोध गरेकी छिन् ।
